مثلا اعدت كده شوية مع نفسى افكر احنا نفرق ايه فى حال بلدنا دولقتى عن زمان
.قبل كده قبل ما ادخل الكلية واعرف الدنيا بحقيقتها ....واعرف اننا فى المدارس بيعاملونا زى الاغنام .
..ايوه معلومات كاذبة تضلل اكتر ما تفيد البنى ادم ولو ناقشت اى حد فيها يقول عليك جاهل
..مثلا مثلا حكاية ان احنا اللى عاملنا النصر انا عرفنا فعلا ان احنا اللى عاملنا النصر لكن السادات مش زى ما بيصوروه فى مدارسنا اختار السلام علشان يخلى الشعوب العربية تعيش فى امن وامان ولكن الامر كله كان مش بايده ...ده كان تقرير مصير من القوى العظمى لينا .
وحاجات كتير الضربة الجوية الاولى ...مش هشكك فيها بس الامر انهم بيعظوا فيها اوى
برضه حكاية مصر قبل الثورة ومصر بعد الثورة ...وحاجات كتير منها مثلا مش زى ما ناس كتير فاكرة ان الثورة كده تقرير مصير من الشعب وانها بارداته ولكن ....ومليون علامة تحت ولكن ...لكن الثورةلو لم تحظى بموافقة الولايات المتحدة لم تكن لتكمل حتى الان وده مش تشويه ليها بس ده فعلا اللى حصل...يعنى الامر مش زى مصورينه واكبر دليل مثلا ليه حاصروا الثورة اللى حصلت فى كوبا ليه اغتالوا جيفارا
والكلام مش مجرد كلام ده كلام مؤرخين ... منهم على سبيل المثال (جلال امين) وكتابه اللى بيوضح ده (عصر الجماهير الغفيرة )ومع ذلك فى تزييف كبير لوعينا .
ده غير الكلام اللى بيبقى ملوش لازمة وبرضوا بيدرسوا لينا بدون مبررات زى ايه قصة عبلة وعنترة والغاء حاجات مهمة قد تساهم فى رفع وعينا زى الغاء دراسة قصة المقررة علينا فى ثالثة ثانوى (القدس )واستبدالها بطه حسين واشياء كثيرة....مثلا دراسة ان الاخوان المسلمين فى سطر واحد بس ايوه حاربوا فى حرب 1948بعد كده تشويه لتاريخهم كله واظهار انهم كانوا خونة ومن الجماعات اللى كانت بتايد الملك وبالتالى هى ضد الثورة .
وحاجات كتير بتزيف الوعى وتخليك تعيش فى اللى فات يعنى مثلا تعد سنة كاملة تدرس الشعر الجاهلى مع ان الاهم حتى لو كده يركزوا على اعمال الشعراء الاحدث اللى بيعبروا عن واقع عصرهم .
مهم لما اقعد مع نفسى كده وافكر شوية فى حال بلدنا زمان ودولقتى الاقى ان حالنا دولقتى مبقاش يفرق اى حاجة عن حالها قبل الثورة لاشئ بل مكن نقول اسوأ ..اسوأ لكن فى النهاية احنا دولقتى بالظبط هو حالها قبل الثورة ...
اول حاجة مسالة الطبقات وان بقى فى طبقة حاكمة مش هنقول نصف فى المية مع انه ممكن يكون رقم صحيح لان نصف فى المية من تمانين مليون مش عدد قليل ولكن 5% كفاية والباقى طبقات ولكن الطبقة الغالبة الفقرا وبعد الاسعار وغلائها مبقاش فى طبقة وسطى بقى فقي وغنى يعنى ادى اول حاجة زمان قبل الثورة لما عملوا حملة عملوا حملة ضد( الحفى) دولقتى بيعملوا الحملات مش من اجل الحفاة بل من اجل الجعان اللى مش لاقى ياكل اصلا ...
زمان الامتيازات كانت هى اللى ماشية حبة متمتعين بيها والباقى على باب الكريم ...ودولقتى برضك نفس الحال لكن زمان (ماكنش فى حد بيهرب بره البلد لو اتخدت منه الامتيازات )
زمان برضك كان قاعد بيشتم ويتكلم اهو كلام لاهو هيودى ولا هيجيب وفى حركات وفى حراك سياسى و دستور 1923
وبرضك دولقتى فى تعديل دستور 2005 وتعديل المادة 76ولكن فى كلا الحالتين ايه اللى ماشى كلام الحاكم يعنى اعمل ماتريد وقل ماتريد وسافعل ما اريد فى النهاية وهى السياسة المتبعة فى الحالتين.زمان كان الفقر مخلى المصريين ميفكروش غير فى لقمة العيش وبس وبرضك دولقتى لا حد له فى السياسة ولا (ديالوه )اللى بيتكلم شوية الناس المثقفة واللى برضك كانت موجودة ايام العصر اللى قبل الثورة واللى بيبقى المجال ليها اوسع فى انها تعبر عن هموم المجتمع وبالذات الادب الساخر .
ايه الفرق برضك ساعتها كانت القوى العظمى هى انجلترا واحنا خاضعين ليها والفرق بأه هنا ان زمان كان فى ناس بتقاوم النفوذ الانجليزى دولقتى برضك احنا خاضعين للنفوذ الامريكى باعتبارها القوى العظمى فى العالم وان كان بقى فى ناس كتيرلا يهمها امريكى ولا افريقى المهم تاخد الدعم اللى هى عايزاه لا ده غير اننا بنفخر لو حد خد جايزة من بره لو حاجة .
وحاجات كتير لا تجعل الفرق بين مصر الان ومصر قبل عصر الثورة او مصر (الملكية) كبيرا بل الامر قد يصل الى حد التطابق مع الاختلاف الوحيد هو مرور السنين .
بس ...بس
ليست هناك تعليقات:
إرسال تعليق