بتاريخ 13 نوفمبر 2014 .....
كنت بعمل فيديو ..كان من سنة ونص تقريبا ..بالظبط كان فى نهاية ابريل 2013 ...كان أحد الأشخاص فى الفيديو "راجل " ساكن فى المقابر..التصوير كان بيتكلم عن#حكم_محمد_مرسى ...ورأيه فيه ..
...الشخص اللى كان معايا (الله يكرمه على مساعدته ليا وقتها )أخد شوت ليه وهو بيقول كلمة مش قادرة أنساها لغاية دولقتى وافتكرتها النهارده : كل يوم ناس بتموت ...كل يوم ناس بتموت ...كل يوم ناس بتموت ...ده محصلش ده أيام عبد الناصر ...ولا أيام السادات ..محصلش أيام مبارك...فى عرف مين ..فى شرع مين ..أحنا مش عايزين فلوس ...مش عايزين حاجة ...عايزين نعيش ...الشباب بقى بيموت أكتر من العواجبز ...فى عرف مين ...فى شرع مين ... وخلاص "ستوب" ...وقف المشهد ..
الراجل - عنده تقريبا 75 سنة يعنى عايش من أيام عبد الناصر تقريبا - فى المشهد فضل يكرر جملة "فى عرف مين ...فى شرع مين " أكتر من عشر مرات .....كان "الدبان حواليه..والفقر باين فى الأوضة الصغيرة اللى عايش فيها مع مراته وعياله ..اللى كانت بالمناسبة "متر فى متر"...
بعد سنة ونص تقريبا فى نوفمبر 2014 .......اعتقد أننا ممكن نعمل "كلاكيت تانى مرة" لنفس المشهد ...سنة ونص والمشهد ثابت ...زى ما كان بيقول صلاح جاهين" وقف الشريط فى وضع ثابت"....
النهارده كان فى انفجار فى حلمية الزيتون فى المترو .....وفى شمال سيناء ...وامبارح كان فى انفجار على الدائرى ..
النهارده مات سبعة (لغاية دولقتى) فى حلمية الزيتون...و10 أصابات فى شمال سيناء (لغاية دولقتى)...بس ..مفيش كلام أكتر من كده ...
#يارب_أنا_مبقتش_قادرة_على_اللى_بيحصل_ده
#لو_مش_هنموت_منفجرين_بالقنابل_هنموت_منفجرين_من_السكوت
#ربنا_لا_تؤاخذنا_بما_فعل_السفهاء_منا
#اوانك_بيقرب_يا_دولة_العواجيز
ليست هناك تعليقات:
إرسال تعليق